Elliði

Elliða hannaði Kristján Gíslason árið 1984. Flugan er annáluð stórfiskafluga og sjálfur fékk hann tvo 24 punda laxa á rauða Elliðann sem einnig er sterk silungafluga. Afar veiðin fluga en hefur ekki fengist í verslunum hér á landi fyrr en nú. Elliðinn var fyrst reyndur í Elliðaánum og gaf þar 5 laxa á fyrsta degi. Rauði Elliðinn er mest notaður en sá græni og svarti eru einnig mjög sterkar flugur.